SAHAR

په کابل کې د ایران سفارت سرپرست علي رضا بیکدلي د سرپرست حکومت د کار وزیر سره د یوې لیدنې په ترڅ کې وویل چې دوی د دواړو هیوادونو ترمنځ د کارګرو د تبادلې په اړه سلامشورې کوي.

بیکدلي همدارنګه ټینګار وکړ چې دوی خپل هیواد ته د افغان کډوالو د باعزته راستنیدو لپاره لاره هواره کړې ده.د دې غونډې په جریان کې د ایران سفیر په رسمي ډول د طالبانو د کار او ټولنیزو چارو وزیر ملا عبدالمنان عمري ته بلنه ورکړه چې تهران ته سفر وکړي.له ایران څخه افغانستان ته د سلګونو زرو کډوالو راتګ او د دې افغان کډوالو لپاره د کاري شرایطو رامینځته کول یو له هغو ننګونو څخه دی چې سرپرست حکومت ورته اشاره کړې او په اړه یې اندیښنه څرګنده کړې ده.