نورستان کې د قیمتي ډبرو پلور
اسد 04, 1404 16:19 Asia/Kabul
د نورستان د کانونو او پټرولیم ریاست مشر په یاد ولایت کې د اته ټنه قیمتي او نیمه قیمتي ډبرو د لیلام خبر ورکړ.
رحیم عمیر وویل چې د دې ډبرو ټول ارزښت یو سل او پنځوس میلیون افغانۍ وو چې وپلورل شو.هغه وویل چې د دې کچې پنځلس میلیونه افغانۍ به د حکومت خزانې ته ولېږدول شي.ویل کیږي چې پلورل شویو ډبرو کې کنزیټ، مورګانیټ، بیروج او بلور شامل دي. د دې راپور له مخې دا ډبرې د نورستان د دوآب ولسوالۍ له مختلفو کانونو څخه استخراج شوي دي.دا اقدامات په داسې وخت کې ترسره کیږي چې ځینې د کانونو متخصصین په افغانستان کې د کانونو د غیر اصولي استخراج په اړه اندیښنه څرګندوي.
