SAHAR

پاکستاني رسنیو راپور ورکړی چې په خیبر پښتونخوا ایالت کې د تحریک طالبان پاکستان (ټي ټي پي) وسله والو په دوو جلا بریدونو کې لږ تر لږه اته پاکستاني سرتیري وژل شوي او څوارلس نور ټپیان شوي دي.

رسنیو راپور ورکړی چې په یوه برید کې شاوخوا یو سل او پنځوس ټي ټي پي وسله والو د خیبر پښتونخوا ایالت په اورکزۍ سیمه کې پر پاکستاني سرتیرو برید وکړ. په نښته کې د ټي ټي پي درې وسله وال هم ووژل شول. د بریدونو نور جزئیات لا نه دي خپاره شوي.پاکستاني پوځ په یوه بیان کې ویلي چې په وروستیو بریدونو کې ښکیل څلور ترهګر د امنیتي عملیاتو په ترڅ کې وژل شوي دي.یو بل عملیات د پاکستان په شمال لویدیځ کې د خیبر پښتونخوا ایالت په ملاکنډ ولسوالۍ کې هم ترسره شوي چې نهه وسله وال یې وژلي او اته نور یې نیولي دي.