په کابل کې د سراج الدین حقاني او محسن نقوي لیدنه
سرطان 30, 1404 17:53 Asia/Kabul
د سرپرست حکومت د کورنیو چارو وزیر او د هغه پاکستاني سیال په کابل کې د یوې ناستې په ترڅ کې د دواړو هېوادونو ترمنځ د امنیتي مسلو په اړه خبرې وکړې.
سراج الدین حقاني او د پاکستان د کورنیو چارو وزیر محسن نقوي ټینګار وکړ چې امنیتي همکاري او د نشه يي توکو پر وړاندې مبارزه د دواړو هېوادونو ترمنځ تر ټولو مهمې مسلې دي.دواړو خواوو په پاکستان کې د افغان کډوالو د وضعیت په اړه هم خبرې وکړې.د کورنیو چارو وزیر سراج الدین حقاني ټینګار وکړ چې پاکستان باید په پاکستان کې د افغان کډوالو د حقونو د ساتنې لپاره هڅې وکړي او د پاکستان د کورنیو چارو وزیر هم ژمنه وکړه چې دوی به د کډوالو د حقونو ملاتړ وکړي.حقاني دا غونډه د کابل او اسلام آباد ترمنځ د دوه اړخیزو اړیکو د پیاوړتیا لپاره یو مهم ګام وباله او ویې ویل چې "متقابل باور او اعتماد کولی شي موجوده ستونزې حل کړي."
