خراسان رضوي ولایت ته د هرات والي سفر
هرات کې د سرپرست حکومت والي د دوه اړخیزې ګډې اقتصادي کمیټې په شپږمه غونډه کې د ګډون لپاره د یوه پلاوي په مشرۍ نن سهار د اسلام کلا - دوغارون سرحدي لارې څخه ایران ته ورسید.
د دې سفر په لړ کې د خراسان رضوي ولایت امنیتي مرستیال امیرالله شمقدري، د تایباد ولسوال حسین جمشیدي او د دې ولسوالۍ نورو چارواکو د مولوي احمد اسلام جار هرکلی وکړ.د سرپرست حکومت والي د دوغارون د آزادې سوداګرۍ او صنعتي زون له ادارې څخه تر لیدنې وروسته د ایران د فریمان په"سفید سنګ" ښار کې د افغان وګړو تنظیمونکي کمپ ته ولاړ.د دې سفر په جریان کې ټاکل شوې ده چې مولوي اسلام جار د خراسان رضوي له والي سره یو مطبوعاتي کنفرانس وکړي.هغه به روغتونونو علمي او تخنیکي مرکزونو، او همدارنګه رضوي کتابتون څخه هم لیدنه وکړي او بیا به په مشهد کې د افغانستان قونسلګرۍ ته لاړ شي.د هرات لپاره د سرپرست حکومت والي به مشهد ته د خپل درې ورځني سفر په لړ کې د همکارۍ څو سندونه لاسلیک کړي او د تولید څو واحدونو څخه به لیدنه وکړي.د خراسان رضوي د بهرنیو اتباعو او مهاجرینو د چارو د عمومي ریاست په وینا، د "سفیدسنګ" کمپ څخه د مولوي اسلام جار لیدنه او د مهاجرینو د راستنیدو بیاکتنه د هغه د سفر له مهمو پلانونو څخه دي. د دې سفر بله مهمه موخه د هرات ولایت او د ایران د سرحدي ولایتونو ترمنځ د اقتصادي اړیکو پراخول دي.
