د ترانزیت په تړاو د افغان او چیني چارواکو غونډه
سرطان 25, 1404 16:18 Asia/Kabul
د سرپرست حکومت د ټولګټو چارو وزارت وايي چې د دې وزارت د ریل پټلۍ مرستیال او د چین د لانژو نړیوال وچ بندر چارواکو په افغانستان کې د خصوصي سکتور د ودې لپاره د ډیرو اسانتیاوو په رامینځته کولو ټینګار کړی دی.
د ټولګټو چارو وزارت مطبوعاتي دفتر دا هم وویل چې د حیرتان-مزار شریف لارې په نایب آباد بندر کې د وچ بندر جوړول او همدارنګه له دې لارې د هیواد د صادراتي توکو لیږد د غونډې نورې موضوعګانې وې.یاده اداره وايي چې د ریل پټلۍ مرستیال مولوي محمد اسحاق صاحبزاده چین ته د خپل سفر په لړ کې د لانژو نړیوال وچ بندر څخه لیدنه وکړه او د بندر له چارواکو سره یې ولیدل.د ټولګټو چارو وزارت وايي چې سوداګریز توکي د چین له بیلابیلو ولایتونو څخه راټولیږي او د لانژو بندر د ریل پټلۍ له لارې د قرقیزستان او ازبیکستان له لارې د مزار شریف د حیرتان بندر ته لیږدول کیږي.
