په افغانستان کې د ملګرو ملتونو د ماموریت مشرې په هیواد کې د تعلیمي وضعیت او د سواد کچې په اړه اندیښنه څرګنده کړه وویل چې افغانستان په نړۍ کې د بې سوادۍ ترټولو لوړه کچه لري.

روزا اوتونبایوا د کابل کتابونو په فیستیوال کې د خبرو پر مهال وویل چې یوازې پنځوس سلنه افغان نارینه او شل سلنه افغان ښځې لوستل او لیکل کولی شي.هغې زده کړې څخه د نجونو محرومیت د پرمختګ او ځان بسیاینې په وړاندې یو جدي خنډ وګاڼه او له پانګوالو یې وغوښتل چې په افغانستان کې د سواد سکتور ملاتړ وکړي.د یادونې وړ ده چې په افغانستان کې د سرپرست حکومت له بیرته واک ته رسیدو وروسته، د شپږم ټولګي څخه پورته نجونې ښوونځي ته د تګ اجازه نه لري، او پوهنتونونه هم د ټولنې د دې برخې لپاره تړل شوي دي.له بلې خوا افغانستان د څو لسیزو ویجاړونکو جګړو څخه تیر شوی چې د هیواد د خلکو د سواد کچې په وده یې خورا منفي اغیزه کړې ده.