د سرپرست حکومت د بهرنیو چارو وزیر امیر خان متقي په کابل کې د قطر سفارت له شارژدافیر سره کتنه او خبرې اترې وکړې.

په دې غونډه کې د دوه اړخیزو اړیکو، د ډیپلوماتیکو اړیکو پراختیا او سیمه ییزو مسلو په اړه بحث وشو.په دې غونډه کې متقي د دواړو هېوادونو ترمنځ اړیکې مهمې وبللې او په نړیوالو غونډو کې یې د حکومت د ملاتړ په برخه کې د قطر د حیاتي رول ستاینه وکړه.د قطر د سفارت شارژدافیر سرپرست حکومت سره د خپل هېواد اړیکې مخ په ودې وبللې او د خپل هېواد چمتووالی یې څرګند کړ چې په څو اړخیزو فورمونو کې د افغانستان د بهرنیو اړیکو په لا پراختیا کې مثبت رول ولوبوي.