د سرپرست حکومت د هرات د ولایتي زندان عمومي رییس شرف الدین مخلص وايي چې د لوی اختر په مناسبت دوه سوه یو ویشت بندیان خوشې شوي دي.

هغه وویل چې د دوی په منځ کې درویشت تنه ښځې وې چې د ملا هیبت الله د امر پر بنسټ په یو وخت کې د هرات له عمومي زندان څخه خوشې شوې.په ورته وخت کې د سرپرست حکومت د سترې محکمې د امر پر بنسټ په پروان ولایت کې هم اویا نور بندیان خوشې شول.په کندهار کې هم دوه سوه دوه ویشت بندیان د لوی اختر په مناسبت او د ملا هیبت الله د امر پر بنسټ خوشې شول.