د سرپرست حکومت د کورنیو چارو سرپرست وزیر سراج الدین حقاني ویلي دي چې د دوی د مشرانو سره مشوره د دوی د کار د ښه ترسره کولو لپاره ډیره ګټوره ده.

د دغه وزارت ویاند عبدالمتین قانع وویل چې دا څرګندونې د وزارتونو د دفترونو د مشرانو په منځ کې د "اصلاحاتو او ظرفیت لوړولو" په نوم په یوه غونډه کې وشوې.حقاني چې پخوا د سرپرست حکومت د مشر ملا هیبت الله د منتقدینو څخه پیژندل کیده اوس یې د هغه ستاینه کړې او ویلي یې دي چې دوی یوازې او د خپلو مشرانو سره له مشورې پرته سمه پریکړه نشي کولی.هغه دا هم ټینګار وکړ چې د خلکو کار باید په ځمکه پاتې نشي او چارواکي باید د افغانانو د ستونزو د حل لپاره سخت کار وکړي.د کورنیو چارو سرپرست وزیر سراج الدین حقاني څو میاشتې د کورنیو چارو وزارت له انګړ څخه لرې او په نورو هیوادونو کې و.