د ایران بهرنیو چارو وزارت ویاند په بغداد کې د عربي ټولنې د سرمشریزې په وروستۍ اعلامیه کې د ایران د دریو ټاپوګانو لوی تنب، کوچنی تنب او ابو موسی په اړه شوې ادعاوې بې بنسټه او رد کړې دي.

اسماعیل بقايي نن دوشنبه ټینګار وکړ چې دا درې ټاپوګان د ایران د خاورې یوه نه بېلېدونکې برخه ده.بقايي ټینګار وکړ چې د ایران اسلامي جمهوریت په دې برخه کې هر ډول ادعا د ملګرو ملتونو د منشور او نړیوالو قوانینو د بنسټیزو اصولو سره په ټکر کې ګڼي، چې د هیوادونو ځمکنۍ بشپړتیا او ملي حاکمیت او همدارنګه د ښه ګاونډیتوب اصل ته درناوی کوي.د بهرنیو چارو وزارت ویاند عرب ټولنې ته مشوره ورکړه چې د بې بنسټه ادعاوو د حل کولو پر ځای په سیمه کې نه بدلیدونکي تاریخي او جغرافیایي واقعیتونه په پام کې ونیسي.