په تهران کې د عراقچي او متقي سلا مشورې
د سرپرست حکومت د بهرنیو چارو سرپرست وزیر امیر خان متقي او د ایران د بهرنیو چارو وزیر سید عباس عراقچي تېره شپه په تهران کې سره ولیدل او د دوه اړخیزو اړیکو د پیاوړتیا پر اهمیت یې ټینګار وکړ.
په دې غونډه کې، متقي د کابل او تهران ترمنځ د ډیپلوماتیکو اړیکو د ښه کولو اړتیا ته په اشارې سره، د ایران له خوا د افغان کډوالو د کوربه توب ستاینه وکړه او افغانستان ته یې د کډوالو د تدریجي او باعزته راستنیدو غوښتنه وکړه.هغه همدارنګه له ایراني چارواکو وغوښتل چې په ایران کې د افغان بندیانو د لېږد او هغوی ته د اسانتیاوو برابرولو موضوع ته ډېره پاملرنه وکړي.په دې غونډه کې، عراقچي د دواړو هېوادونو ترمنځ اړیکې د پراخېدو په توګه هم بیان کړې او د دواړو هېوادونو ترمنځ یې سوداګریزې او ټرانزیټ همکارۍ د پراختیا په حال کې ګڼلې.د ایران د بهرنیو چارو وزیر دا هم یادونه وکړه چې د افغان کډوالو راستنیدل باید په تدریجي ډول او د هغوی د وقار په درناوي سره به ترسره شي.د یادونې وړ ده چې امیر خان متقي د تهران د خبرو اترو په څوارلسم فورم کې د ګډون لپاره ایران ته سفر کړی.
