د لبنان د حزب‌الله عمومي منشي شیخ نعیم قاسم په یوه وینا کې د صهیونستي رژیم له خوا پر سوریې تېری غندلی او د یو موټي او یووالي لرونکي سوریې غوښتنه یې کړې.

هغه ویلي چې د صهیونستي رژیم موخه د استعمار پراخول او د منځني ختیځ بدلون دی.د حزب‌الله عمومي منشي ټینګار کړی چې مقاومت ډېرې قربانۍ ورکړې او د صهیونستي رژیم د موخو د ترلاسه کولو مخه یې نیولې.د هغه په وینا، مقاومت تېرو کلونو کې د اسرائیلو رژیم پر وړاندې مخنیوی کوونکی عامل و او د لبنان د خاورې د اشغال لپاره یې د دې رژیم د طرحو مخه نیولې.شیخ نعیم قاسم ویلي چې د مقاومت لاره به په پوره قوت سره دوام وکړي او د مقاومت انزوا یوازې یو خیال دی.