د افغانستان د سوک وهنې اووه کسیزه لوبډله پرون سریلانکا ته د آسیا د سوک وهنې په اتلولۍ کې د ګډون لپاره لاړه.

د افغانستان د سوک وهنې فدراسیون ویلي چې په دې ټیم کې پنځه لوبغاړي او دوه روزونکي شامل دي، چې د ځای ګټلو لپاره یې لوړې هیلې لري.فردوس نجیبي، مجتبی شریفي، عبدالله قیومي، عمان هوتک، او مبشر قاطع په دې سیالیو کې په دریو مختلفو وزني ټولګیو کې برخه واخیسته.د آسیا د سوک وهنې اتلولۍ په سریلانکا کې د پنځه ویشت هیوادونو د سلګونو لوبغاړو په ګډون سره پیل شوې او د می تر څلور ویشتمې پورې به دوام وکړي.