د افغانستان ملي لوبډلې پيليز توپوهونکی صدیق الله اتل د هند غوره لیګ په روان پړاو کې ډيلي کپيټلز لوبډلې له ځان سره غوره کړ.

د ډېلي کپیټلز لوبډلې اعلان وکړ، چې د بریټانیايي لوبغاړي هري بروک پر ځای یې افغان کیڼ لاسی توپ وهونکی صدیق الله اتل د ای پې اېل پاتې لوبو لپاره لوبډله کې واخیست.د ډېلي کپېټلز لوبډلې روزونکي ویلي، صدیق الله اتل یو ځوان او زړور توپ وهونکی دی.صدیق الله اتل در ویشت کلن دی او له رحمن الله ګربز وروسته دویم افغان توپ وهونکی دی، چې د نړۍ په مشهور کرېکټ لیګ کې د توپ وهونکي په توګه لوبیږي.د ډېلي کپټلز لوبډلې مشر روزونکی همنګ باداني وايي: موږ له صدییق اتل سره د ډیلي کپېټلز په لوبډله کې د یوځای کېدو له امله خوښ یو.