د سرپرست حکومت د بندخونو د چارو د سمون ادارې نظامي مرستیال حبیب الله بدر وايي، د ولسي جرګې پخوانی غړی الله ګل مجاهد د قتل په تور د څرخي پله په بندخونه کې بندي دی

نوموړی وايي، مجاهد ته د نورو بندیانو په څیر د کورنۍ له غړو سره د لیدو اجازه هم ورکول کیږي.حبیب الله بدر ویلي چې د پخوانی وکیل الله ګل قضیه شخصي قضیه ده، د قتل موضوع ده، چا چې ادعا پرې کړې ده، قضا فیصله چې کوي دوی ته یا حکم د قید ورکوي یا اعدام ورکوي، هغه په قضا پورې تعلق لري، زموږ سره په زندان کې شته.»الله ګل مجاهد د جمهوریت له نسکورېدو وروسته له هېواده ووت؛ خو وروسته، د سرپرست حکومت د یو شمېر مشرانو په منځګړیتوب سره، هغه بیرته هیواد ته راستون شو.د سرپرست حکومت چارواکو دا نه دي ویلي چې ښاغلی مجاهد کله ونیول شو او بندي شو