د ډیورنډ فرضي کرښې هاخوا د خیبر پښتونخوا ملتپالو ګوندونو لوی لاریونونه کړي دي، او د پاکستان حکومت پالیسۍ یې ظالمانه او د سیاسي او ټولنیز عدالت نشتوالی بللی دی

هغه لاریون کوونکي چې په چمن سیمه کې یې دا غونډې جوړې کړې وې؛ ویلي چې د پښتنو او بلوڅانو حقونه له منځه وړل شوي او له خپلې پانګې څخه محروم شوي دي.د بلوچستان د عوامي نیشنل ګوند صوبايي مشر اصغر خان اڅکزي په لاریون کې په خپله وینا کې وویل؛ که چیرې د دوی حقونه ورنکړل شي؛ دوی به نور د مرکزي حکومت اطاعت ونه کړي.د پښتون ژغورنې غورځنګ غړي مجید کاکړ هم ټینګار وکړ چې موږ باید یو ملي پاڅون وکړو او د خپلو حقونو څخه دفاع وکړو.