د ایران د دفاع وزیر امیر نصیرزاده په تهران کې د تاجیکستان د دفاع وزیر امامعلي صابرزاده سره لیده کاته او خبرې اترې کړي.

د ایران د دفاع وزیر په دې لیدنه کې د دواړو هېوادونو ترمنځ د سیاسي، امنیتي او اقتصادي اړیکو او همکاریو پر پراختیا ټینګار وکړ.نصیرزاده زیاته کړه چې ایران او تاجیکستان باید دوه ‌اړخیزه همکاري، د نړیوالو سازمانونو او د شانګهای همکارۍ سازمان د غړیتوب له ظرفیت څخه ګټه پورته کړي، ترڅو د امنیتي ستونزو د مخنیوي او د ترهګرۍ او تندلارۍ پر وړاندې د مبارزې لپاره کار وکړي.د هغه په وینا، دواړه هېوادونه په نړیوالو غونډو کې ښه همکاري لري او عموماً په سیمه‌ییزو او نړیوالو غونډو کې ورته دریځونه لري.دا د ایران د څوارلسم دولت له راتلو وروسته تهران ته د تاجیکستان د دفاع وزیر لومړنی رسمي سفر او لیدنه ده.