د سرپرست حکومت د کرنې، اوبو لګولو او مالدارۍ وزیر عطاءالله عمري د یوه پلاوي مشري تاشکند ته سفر کړی دی

د کرنې وزارت ویاند د دې سفر موخه د اقلیم بدلون او د آمو سیند په حوزه کې د اوبو سرچینو باندې د هغې اغیزې په اړه بحث کول او د کرنې، اوبو لګولو، مالدارۍ او خوراکي خوندیتوب په برخو کې د ازبکستان له چارواکو سره د همکارۍ پراخول یاد کړي دي.د ازبکستان د کرنې وزیر ابراهیم عبدالرحمان‌اف په تاشکند کې د سرپرست حکومت له پلاوي سره په کتنه کې ویلي چې هېواد یې چمتو دی چې په افغانستان کې د کرنې د ښه والي لپاره اړین خدمات په شمول د اوبو لګولو سیسټمونه وړاندې کړي.د ازبکستان د کرنې وزارت د شنبې په ورځ په یوه خبرپاڼه کې وویل چې د افغان پلاوي سره په لیدنه کې د دوه اړخیزو همکاریو او د ګډو پروژو پلي کولو په اړه هم خبرې وشوې.