د افغانستان د فوټبال له اولس کلنو کم عمره لوبډلې د دوه زره او پنځه ویشت کال د اسیا ملتونو جام په لومړۍ لوبه کې تېره شپه د یمن پر وړاندې د دوه پر صفر په توپیر ماتې ومنله

دا سیالي په سعودي عربستان کې ترسره شوه، چې یمن د لومړۍ نیمایي په څلرویشتمه او اوه ویشتمه دقیقه کې ګولونه ووهل.د افغان لوبغاړو د ډېرو هڅو سره سره، دا لوبه د یمن په ګټه په همدې پایلې سره پای ته ورسېده.د افغانستان لوبډله د دوه زره پنځه ویشتم کال د اسیا جام په درېیم ګروپ کې له جنوبي کوریا، یمن او اندونیزیا سره ځای لري.