د افغانستان او نیپال کرکټ ملي ټیم سیالۍ
حمل 14, 1404 16:33 Asia/Kabul
د افغانستان له نولس کلنو کم عمره لوبډلې نیپال ته په لومړۍ یو ورځنۍ سیالۍ کې د یوسلو او دیرش منډو په توپیر ماتې ورکړه.
افغان لوبډلې د دغې سیالۍ د پچې تر ګټلو وروسته لومړی د توپوهنې پرېکړه وکړه او د خپلو نهو وېکټو په زیان یې نیپال ته د درې سوه او یو منډو هدف ورکړ خو سیالې لوبډلې د خپلو ټولو وېکټو په زیان سره یوازې یوسلو او اویا منډې جوړې کړې.د افغانستان او نیپال د نولس کلنو لوبډلو دویمه لوبه د راتلونکې یکشنبې پر ورځ ترسره کیږي.په دغو سیالیو کې به افغان لوبډله د عمان، هانګ کانګ، متحده عربي امارات او نپیال پر وړاندې ولوبیږي.د دې سیالیو غوره لوبډله به د دوه زره شپږویشتم کال د نولس کلنو کرکټ نړیوال جام ته لار ومومي چې د زیمبابوي او نامیبیا په کوربتوب به ترسره شي.
