د سرپرست حکومت ویاند ذبیح الله مجاهد کابل ته د امریکايي پلاوي د سفر په اړه په خپل لومړني غبرګون کې وویل چې د سرپرست حکومت چارواکو د امریکايي استازي سره په مختلفو مسایلو خبرې وکړې.

هغه وويل چې دوی د امريکا له حکومت څخه غوښتنه وکړه چې په واشنګټن کې د افغانستان سفارت دوی ته وسپاري او په کابل کې د امريکا سفارت بيا پرانستل شي. مجاهد وویل چې د سفارت د فعالیتونو بیا پیل په متحده ایالاتو کې افغانانو ته د قونسلګرۍ خدماتو وړاندې کولو لپاره اړین دی.هغه زیاته کړه چې دا اقدام د اړیکو عادي کولو او ډیپلوماتیکو اړیکو پراختیا لپاره لومړی ګام کیدی شي.افغانستان ته د امریکايي پلاوي له سفر وروسته سرپرست حکومت یو امریکایی یرغمل خوشې کړ او وروسته متحده ایالاتو د سرپرست حکومت د کورنیو چارو وزیر سراج الدین حقاني او د حقاني شبکې د دوو غړو د نیولو لپاره جایزه لغوه کړه.د دغو انعامونو د بیرته اخیستلو په اړه ذبیح الله مجاهد وویل چې د امریکا حکومت د جورج ګولزمان د خوشې کیدو په غبرګون کې د سرپرست حکومت د ځینو مشرانو د نیولو پر سر د جایزو د لیرې کولو په ګډون اقدمات کړي دي