د کاناډا نوي لومړي وزیر مارک کارني د خپلې لوړې مراسمو په ترڅ کې امریکا ته په خطاب کې وویل چې هېواد به یې هیڅکله د امریکا برخه نه شي.

دا غبرګون وروسته له هغه راځي چې د امریکا ولسمشر ډونالډ ټرمپ په دې وروستیو کې کاناډا د امریکا یوپنځوسم ایالت وباله.د دې څرګندونو وروسته، د کاناډا د چارواکو او خلکو له خوا د ټرمپ پر وړاندې سخت غبرګونونه راپاریدلي دي.کاناډا په ځواب کې وویل چې ډونالډ ټرمپ باید په سیاسي چاپیریال کې یو څه ډیر واقعیت لرونکی وي او د خپل هیواد دریځ درک کړي.وروسته له هغه چې ډونالډ ټرمپ د متحده ایالاتو د ولسمشر په توګه دنده پیل کړه، هغه په کاناډا او اروپا کې په خپلو متحدینو باندې ډیری لفظي بریدونه کړي دي.