هرات ولایت کې د روژې مبارکې میاشتې په مناسبت د پيام نور نندارتون په لاره واچول شو

په دې نندارتون کې، د نقاشۍ، خطاطۍ او نورو هنري نمونو په برخو کې له پنځه اویا څخه زیات هنري اثار نندارې ته وړاندې شول. د هرات د ملي موزیم رییس عبدالله عثماني وویل چې په دې نندارتون کې څلوېښت غوره هنرمندانو خپل اثار نندارې ته وړاندې کړي دي.هرات کې د سرپرست حکومت د اطلاعاتو او کلتور رییس احمدالله متقي هم ویلي دي چې هرات د افغان اصلي هنرونو زانګو ده او د دې ولایت هنرمندان توانیدلي دي چې د هیواد کلتوري میراث ژوندی وساتي.هغه دا ولایت د هیواد د هنرمندانو کور وباله او وویل چې په هرات کې د افغانستان اصلي هنرونه لا هم ژوندي او وده کوي.