د سرپرست حکومت د کرنې وزارت مرستیال صدراعظم عثماني وايي چې د سږ کال د نیالګیو کینولو په جریان کې به په ټول افغانستان کې شپاړس میلیونه نیالګي کینول شي.

په ورته وخت کې د چاپېریال ساتنې ملي ادارې او کابل ښاروالۍ هم له خلکو غوښتي چې په دې بهیر کې چې د شنه میراث په نوم یادیږي برخه واخلي.د چاپېریال ساتنې ملي ادارې تخنیکي مرستیال زین العابدین عابد وویل چې پلان چمتو شوی او د کابینې له تصویب وروسته به د دوی د مشر دفتر ته واستول شي او دا پلان به د ټولو اړوندو ادارو سره په همغږۍ کې ترسره شي.په ورته وخت کې د کابل ښاروالۍ د سرسبزي او ښکلا څانګې مشر عبدالوکیل متوکل وايي چې د افغانان باید په فعاله توګه پدې کې برخه واخلي او د ونو د کښینولو کلتور ته وده ورکړي.په افغانستان کې د ونو د کښینولو بهیر د کب یا حوت په نیمایي کې پیل کیږي او هر کال د دولتي ادارو او خلکو لخوا د یو مهم کمپاین په توګه ترسره کیږي.