د هغو راپورونو وروسته چې د افغانستان د فوټسال ملي لوبډله لوبغاړو ته د ویزو په ورکولو کې د ځنډ له امله سیالیو څخه محرومه شوه، د هیواد فوټسال ټیم مشر روزونکي مجید مرتضايي په خپل انسټاګرام کې ولیکل چې ډېر ژر به ستونزه حل شي

هغه دا لنډ پیغام نن سې شنبه ماسپښین خپور کړ.د هېواد د فوټبال فدراسیون ویاند مصطفی هاشمي وویل چې د لوبغاړو د ویزې ترلاسه کولو لپاره جدي هڅې روانې دي.هغه زیاته کړه چې د ویزې برخلیک به د ورځې په پای کې وټاکل شي.هاشمي وویل چې که ویزه ورکړل شي، افغانستان به د لوبو د ځنډولو غوښتنه وکړي.د مهالویش له مخې، ټاکل شوې وه چې د افغانستان د فوټسال ملي لوبډله سبا د ایران د فوټسال ملي لوبډلې سره مخامخ شي.دا سیالۍ د برازیل په کوربه توب ترسره کېږي او د برازیل، افغانستان، ایران او ګرینلینډ ټیمونه به پکې برخه واخلي.