د تورخم بندر د څو پرله پسې ورځو تړلو وروسته د پاکستان ګمرکي چارواکو اعلان وکړ چې دې مسلې تر اوسه دواړو هېوادونو ته دولس میلیونه ډالر زیان رسولی دی.

دا بندر چې له شنبې راهیسې د ترافیکو پر مخ تړل شوی دې کار د بندر دواړو خواوو ته د سلګونو موټرو د ګڼې ګوڼې لامل شوی او د دواړو هېوادونو سوداګریز توکي بند شوي دي.د دې بندر د تړلو اصلي لامل د افغانستان او پاکستان ترمنځ د سرپرست حکومت د ځواکونو لخوا د ډیورنډ فرضي کرښې په اوږدو کې د امنیتي پوستو د جوړولو پر سر شخړه ده.د تورخم لاره د پاکستان لخوا څو ځله په یو اړخیزه توګه محدوده شوې ده، او افغانستان په ځواب کې له اسلام آباد څخه غوښتي چې سیاسي مسایل له اقتصادي مسلو سره ونه تړي.