د سرپرست حکومت د صنعت او سوداګرۍ وزارت وايي چې په دوه زره څلور ویشتم کال کې یې له چین سره شاوخوا اته سوه او نهه میلیونه ډالر سوداګري درلوده.

دې وزارت نن په یوه مطبوعاتي خبرپاڼه کې وویل چې د افغانستان او چین ترمنځ سوداګریزې اړیکې عادي دي، او په تیر کال کې صادرات او واردات زیات شوي دي، او په دې برخه کې د افغان سوداګرو ستونزې تر ډیره حل شوې دي.له افغانستان څخه چین ته صادر شوي صادراتي توکي قیمتي ډبرې، وچې میوې او افغاني غالۍ دي.همدارنګه تکه، خام مواد، او صنعتي او کرنیزې ماشینونه له چین څخه افغانستان ته واردیږي.