د سرپرست حکومت د ریاست الوزرا د سیاسي مرستیالۍ دفتر وايي چې بښنې فرمان ته ژمن دي او هیڅوک به د خپلو تیرو دندو لپاره مسؤل نه ګڼل کیږي.

دا ژمنې په داسې وخت کې کیږي چې په تیرو درېیو کلونو کې د پخواني حکومت د یو شمیر ملکي او پوځي چارواکو نیول د خلکو لپاره اندیښنې رامینځته کړې دي.خو؛ د سرپرست حکومت چارواکي وايي چې که په دې برخه کې کومه سرغړونه وشي، نو دوی به یې په جدي توګه تعقیب کړي.تر دې مخکې د سرپرست حکومت مرستیال ویاند حمدالله فطرت ټینګار کړی و چې افغانستان د ټولو افغانانو ګډ کور دی او دوی حق لري چې په خپل هیواد کې په عزت سره ژوند وکړي.