د افغانستان د کرکټ ستوری راشد خان، د سویلي افریقا په غوره لیګ کې له ځلیدو وروسته، د نړیوالو شل اووریزو لوبو کې په تاریخ کې د غوره بالر لقب ترلاسه کړ.

هغه د تېرې شپې لوبه کې دوه نورې ویکټې واخیستې، چې په دې سره یې د ویکټو شمېر شپږ سوه یو دیرش ته ورسېد.راشد خان دا تاریخي ریکارډ په هغو څلور سوه شپیتو لوبو کې ترلاسه کړ چې د افغانستان د کرکټ ملي لوبډلې او مختلفو لیګونو لپاره یې ترسره کړې وې.تر دې مخکې، د ویسټ انډیز مشهور بالر دی‌جی براوو د شپږسوه یو دیرش ویګټو په ترلاسه کولو سره د شل اوریزو لوبو د غوره بالرانو په لیست کې لومړی ځای درلود. خو راشد خان دا لقب د کمو لوبو له امله ګټلی دی او د خپل ریکارډ د ښه کولو لپاره لاهم ډېر فرصت لري.