د خوست ولایت په علي شیر ولسوالۍ کې په یوې کورنۍ د تېر ماښام د وسله وال برید قربانیانو جنازې نن خاور ته وسپارل شوې

د دغه ولایت سیمه ییزو چارواکو ویلي چې په دې پېښه کې شپږ ښځې، دوه نارینه او پنځه ماشومان وژل شوي دي.ویل کیږي چې درې ماشومان د مور په خېټه کې وژل شوي دي.د خوست ولایت امنیتي چارواکي وايي چې دا پیښه د شخصي دښمنۍ پایله وه او دوی د دې موضوع څرګندولو لپاره پلټنې پیل کړې دي.د دې قضیې په تړاو امنیتي ځواکونو دوه شکمن کسان نیولي دي.