د پاکستان پوځ اعلان وکړ چې په پښتونخوا کې یې په درېیو جلا عملیاتو کې د تحریک طالبان پاکستان (ټي ټي پي) لږ تر لږه دېرش غړي وژلي دي.

د پاکستاني پوځ په وینا، د ټي ټي پي د یوې ډلې مشر عزیز الرحمن هم په یوه عملیاتو کې ووژل شو.د پاکستان د پوځ د رسنیو دفتر اعلان وکړ چې دا عملیات د جمعې په شپه ترسره شوي دي. دفتر زیاته کړه چې په دې عملیاتو کې د تحریک طالبان پاکستان (ټي ټي پي) پورې اړوند لږ تر لږه لس وسله وال ټپیان شوي دي.د پاکستان د پوځ په بیان کې ویل شوي چې د دې عملیاتو په تعقیب، وسله والو پورې اړوند د پام وړ وسلې او مهمات هم د امنیتي ځواکونو لاس ته ورغلي دي.د پاکستان پوځ هم ټینګار کړی چې په دې سیمو کې به د ترهګرۍ ضد عملیات تر هغه وخته پورې دوام وکړي چې وروستی ترهګر له منځه یوړل شي.په تیرو درېیو کلونو کې په پاکستان کې د تاوتریخوالي بریدونه زیات شوي دي، په ځانګړې توګه په پښتونخوا او بلوچستان کې.