د افغانۍ په وړاندې د ډالر د ارزښت له لوړېدو وروسته، د افغانستان بانک بانک ویاند حسیب الله نوري وايي چې دا اداره د افغانۍ د ارزښت ثبات ته ژمنه ده او په دې برخه کې خپلې دندې ترسره کوي.

هغه وويل چې په بازار کې بدلونونه د نړۍ د ټولو اسعارو په وړاندې رامنځته شوي او یوازې د افغانیو اسعارو پورې محدود نه دي.دا غبرګون په داسې وخت کې راځي چې په تیرو لسو ورځو کې د ډالرو په وړاندې د افغانۍ ارزښت د پام وړ کم شوی دی.په صرافیو کې هر ډالر له پنځه اویا افغانیو څخه لوړ پلورل شوی دی.د افغانستان بانک وايي چې د بازار د ثبات لپاره یې نن شل میلیونه ډالر لیلام کړي دي.دا په داسې حال کې ده چې د ډالر د ارزښت لوړوالی د توکو له بیې سره مستقیمه اړیکه لري او دې مسلې د خلکو لپاره اندیښنې راپارولي دي.