د ایران اسلامي انقلاب رهبر ایت الله خامنه ای د مقاومت جبهې پر ژوندي والي ټینګار وکړ او وویل چې صهیونیستي رژیم په غزه کې خپلو اهدافو ته د رسیدو توان نه لري.

آیت الله خامنه ای د هیواد اقتصادي فعالینو ته په یوه وینا کې په غزه کې اوربند او بریا د هغه وړاندوینې د پوره کیدو یوه څرګنده نښه وبلله چې مقاومت ژوندی او ښه دی، او وویل: "هغه څه چې د نړۍ د سترګو په وړاندې پیښیږي داسې دي لکه یوه افسانه چې د امریکا په څیر یو لوی جنګي ماشین صهیونیستي رژیم ته ویجاړونکي بمونه ورکوي، او هغه بې رحمه رژیم پنځلس زره ماشومان بمباروي، مګر دوی نشي کولی خپل اهداف ترلاسه کړي.هغه ټینګار وکړ چې صهیونیستي رژیم نه یوازې هغه هدف ترلاسه کولو کې پاتې راغلی چې ټاکلی یې و، بلکې اړ شو چې له حماس سره د خبرو اترو میز ته کښیني او د اوربند لپاره د دوی شرایط ومني.