د بهرنیو چارو سرپرست وزیر امیر خان متقي د سره صلیب او سرې میاشتې نړیوالې کمېټې د آسیا برخې رییس سره په لیدنه کې له سازمانونو وغوښتل چې د افغانستان لرې پرتو سیمو ته روغتیايي خدمتونه ورسوي

هغه الکساندر متیو سره په یوه غونډه کې وویل چې د افغانستان په لرې پرتو سیمو کې ستونزې ډېرې لویې دي.د سرپرست حکومت ویاند حمدالله فطرت وویل چې امیر خان متقي له دې سازمان څخه غوښتنه کړې چې له افغانستان سره خپلې مرستې ته دوام ورکړي؛ دا مرسته باید په ځانګړې توګه هغو کډوالو ته ورکړل شي چې په زوره ایستل شوي دي.د روغتیا نړیوال سازمان مخکې ویلي وو چې د افغانستان له درې دېرش سلنې څخه زیات نفوس روغتیايي خدماتو ته لاسرسی نلري.