د پاکستان پوځ اعلان کړی چې امنیتي ځواکونو یې د ترهګرو پر یوه پټنځای د پوځي عملیاتو په ترڅ کې اووه ویشت تنه وژلي دي.

دا عملیات د پاکستان په جنوب لویدیځ کې د کاچي په سیمه کې ترسره شول. د پاکستان د پوځ په خبرپاڼه کې ویل شوي چې وژل شوي کسان د امنیتي ځواکونو او ملکي وګړو پر وړاندې په ګڼو ترهګریزو فعالیتونو کې ښکیل وو.که څه هم پاکستان د وژل شویو کسانو د هویت په اړه جزئیات نه دي ورکړي، خو د تحریک طالبان پاکستان او بلوچ بیلتون غوښتونکو په څیر ډلې په دې ولایت کې پراخ حضور لري.پرون، د پښتونخوا سیمه ییزو چارواکو سره په یوه غونډه کې، د پاکستان د پوځ مشر جنرال عاصم منیر اعلان وکړ چې د پاکستان پوځ د حکومت ضد وسله والو ډلو پوځي وړتیاوې کمزورې کړې دي.د یادونې وړ ده چې په وروستیو میاشتو کې په پاکستان کې ناامني خورا زیاته شوې ده.پاکستان په خپل هېواد کې د ناامنۍ تور پر سرپرست حکومت اچوي، خو د افغان سرپرست حکومت دا ادعاوې ردوي.