SAHAR

د کالیفورنیا ایالت چارواکي وايي چې په لاس انجلس کې ویجاړونکو اورلګیدنو تر دې دمه له یو سل او پنځوس ملیارد ډالرو څخه ډیر زیان اړولی دی

دا پیښه د متحده ایالاتو په تاریخ کې د خپل ډول ترټولو ویجاړونکې پیښه بلل کیږي، او تر اوسه پورې لږترلږه د لسو کسانو مړینه تایید شوې ده.دا په داسې حال کې ده چې د لاس انجلس په نورو سیمو کې چارواکو شاوخوا یو سل او دري پنځوس زره خلکو ته د خپلو کورونو د خالي کولو امر کړی دی.ویل کیږي چې په دې اورلګېدنه کې له لسو زرو څخه زیاتې استوګنې او دفتري ودانۍ سوځېدلې او ویجاړې شوې دي.د کالیفورنیا د چارواکو په وینا، د نورو شپیته زره خلکو کورونه د اور له خطر سره مخ دي.