د روسیې-اسلامي نړیوال اقتصادي فورم د پنځلسمې غونډې په څنډه کې د افغانستان د صنایعو او سوداګرۍ وزیر نورالدین عزیزي په مشرۍ د سرپرست حکومت پلاوي له رستم مینیخانوف سره کتلي دي.

په دې کتنه کې په اقتصادي همکاریو او په افغانستان کې د روسیې د سوداګرۍ خونې پر جوړېدو خبرې شوي دي.د برښنا، اوبو او کانونو په برخو کې په افغانستان کې د روسیې پانګونه او افغانستان ته د روسیې صادرات، د تاتارستان له ولسمشر سره د افغان پلاوي د خبرو له نورو موضوعاتو څخه دي.د يادونې وړ ده، چې د روسيې-اسلامي نړيوال اقتصادي فورم پنځلسمه غونډه، د غویي د میاشتې په پنځه ویشتمه پيل شوه او د همدې میاشتې تر دېرشمې به دوام وکړي. د روسیې دولتي خبري آژانس ویلي چې د دغه فورم موخه، د باور او همکارۍ د فضا برابرول دي.