د سینتکام قوماندان د خبرو په اړه د سرپرست حکومت غبرګون
موږ هیڅ یوې ډلې ته اجازه نه ورکوو چې د افغانستان له خاورې فعالیت وکړي
سرپرست حکومت د پاکستاني تحریک طالبانو یا ټي ټي پي پر وړاندې د اقداماتو نه ترسره کولو به اړه د سنتکام قوماندان مایکل کوریلا وروستۍ څرګندونې رد کړي دي.
د سرپرست حکومت ویاند مرستیال حمدالله فطرت رسنیو ته ویلي، دوی به هېڅ ډلې ته اجازه ورنه کړي چې له افغانستانه د نورو هېوادونو پر ضد فعالیت وکړي.
ښاغلي فطرت زیاته کړې، سرپرست حکومت چې پر ټول افغانستان بشپړ حاکميت لري، هېڅ ډلې ته په خپله خاوره کې د فعاليت اجازه نه ورکوي، څو افغانستان نورو هېوادونو ته ګواښ وګرځي.
تر دې مخکې ایکسپریس ټریبیون په یوه راپور کې ویلي وو چې د سنتکام قوماندان په افغانستان کې د ټي ټي پي په ګډون د اورپکو ډلو د مخنیوي لپاره د طالبانو له بې غورۍ څخه راپور ورکړی وو. د دغه راپور پر بنسټ مایکل کوریلا ادعا کړې وه، چې په افغانستان کې د افراطي ډلو خوندي پټنځایونه به په سیمه کې شخړې زیاتې کړي او د هغوی د مخنیوي لپاره د افغانستان د سرپرست حکومت بې کفایتي یا نه خوښي کولای شي مرکزي او سویلي اسیا بې ثباته کړي.
تگ
