د سرپرست حکومت د بهرنیو چارو وزارت سرپرست امیرخان متقي په دوحه کې د شاوخوا لسو هېوادونو له استازو سره په کتنه کې، په افغانستان کې د دغو هېوادونو د فعالیتونو د بیا پیل غوښتنه کړې ده. په دې کتنه کې امیرخان متقي ټینګار کړی چې نړیواله ټولنه باید د افغانستان اوسني واقعیتونه له نږدې وګوري. د بهرنیو چارو وزارت هم په یوه بیانیه کې ویلي، چې د بهرنیو چارو سرپرست وزیر په دې لیدنه کې پر سیاسي، اقتصادي، امنیتي او یو شمېر نورو مسایلو خبرې کړې دي.