خبری سرچینو خبر ورکړی دی چې دفلسطین مقاومت ځواکونو په تیرو څلورویشتو ساعتونو کښې په باختري کرانه کې دصهیونیستانو پرضد یوویشت عملیات ترسره کړل .

د فلسطین د احصایې او اطلاعاتو د مرکز د راپور له مخې د فلسطین د مقاومت ځواکونو د باختري کرانې او د قدس په بېلابېلو سیمو کې له صهیونیستي پوځیانو سره په مرمیو او د چاودیدونکو توکو په باروتو سره مقابله کړې.دغه راپور زیاتوي چې د مقاومت د ځواکونو عملیات په قدس، نابلس، رام الله، جنین، طولکرم او الخلیل کې ترسره شوي او د مقاومت ځواکونو د صهیونیستانو پر وړاندې مبارزه کړې.له بلې خوا صهیونیستي پوځیانو د عقبه جبر په کمپ او د اریحا په ښار کې څلور فلسطینی ځوانان نیولي دي.د معطی د خبر له مخې په باختري کرانه کې د اپرېل مياشت په نښتو كې درې صهيونيستان وژل شوي او یو څلوېښت نور ژوبل شوي. د دې تر څنګ يوولس فلسطينيان هم شهيدان شوي دي.