په غونډه کې سلمان خان ته د یوې مېرمنې د مينې څرګندونه
د بالي ووډ مشهور ستوری سلمان خان هغه څوک دی چې نه یوازې په پاکستان بلکې په ډېرو سیمو او اسیایي هېوادونو کې د بالیووډ په برخه کې ستر پېژند لري او د خلکو مينه يې له همدغه ځایه هم څرګندېدلی شي.
د هند د سترو ایوارډونو نړیوال هندي فلم اکاډمۍ (IIFA) 2023 په مراسمو کې د رسنیو سره د خبرو پرمهال د هالیوډ یوې میرمنې سلمان خان ته د مینې وړاندیز وکړ چې ویډیو یې په ټولنیزو رسنیو کې خورا خپره شوې وه.
دغې مېرمنې سلمان خان ته وویل: "زه له هالیوډ څخه نېغ په نېغه راغلی یم چې له تا څخه دا پوښتنه وکړم. هغه شیبه چې ما د لومړي ځل لپاره ته ولیدې، زه له تا سره مینه لرم."
مېرمنې ورته وویل، زه د سلمان خان خبره کوم، ته به راسره واده کوې؟ په ځواب کې اداکار ورته وویل چې زه اوس واده نه کوم او ته زما د عمر د واده نه يې، ته باید شل کاله مخکې ماته په لاس راغلې وې.
دا ښځه څوک ده؟
د هندي انځور اخستونکې خبریالې ویرال بهاني په وینا، دا ښځه الینا خلیفه ده، چې د هالیوډ د خبرتیاوو ادارې فیم ماسټرکلاس په استازیتوب د آیفا د سرې غالۍ کوربه کاوه.
