پکتیا کې د نصري بابا زیارت تاریخي سیمه باندې ونومول شو
دلو 15, 1401 09:30 Asia/Kabul
د پکتیا ولایت وزې ځدراڼو ولسوالۍ اړوند د لکې تیږې په سیمه کې د نصري بابا زیارت د تاریخي سیمې په ټوګه ونومول شو.
په همدې تړاو جوړو شویو مراسمو کې د پکتیا د اطلاعات فرهنګ ریاست مسؤلینو په ګډون د یادې سیمې قومي مخورو او ځوانانو برخه اخیستي وه.
د پکتیا اطلاعاتو فرهنګ رئیس “خالقیار احمدزي” په خپلو خبرو کې وویل، چې دوی به په ټوله معنا هڅه وکړي ترڅو دغې تاریخي سیمې ته د مرکزي ادارې توجه راجلب کړي.
نوموړی زیاتوي، چې سر له نن څخه به یاد زیارت د پکتیا د لرغونو آبدو لېست ته داخله او تر بشپړ پام لاندې به یې ونیسي.
دغه زیارت د پکتیا په یوې لرې غرنۍ ولسوالۍ وزې ځدراڼو کې شتون لري، چې سلګونه کاله مخینه لري، په ورځنۍ توګه ګڼ شمیر خلک ورځي.
