ثور 24, 1401 15:33 Asia/Kabul
  • تاکید روسیه و تاجیکستان به افزایش همکاری امنیتی در مرز افغانستان

رؤسای جمهور روسیه و تاجیکستان توافق کردند تا آژانس‌های اطلاعاتی و امنیتی دو کشور به همکاری برای تامین امنیت در مرز تاجیکستان و افغانستان ادامه دهند.

به گزارش تلویزیون سحر افغانستان، دفتر مطبوعاتی کرملین اعلام کرد که رؤسای جمهور روسیه و تاجیکستان در یک تماس تلفنی پیرامون وضعیت افغانستان گفت‌وگو کرده و توافق کردند که آژانس‌های دو کشور به همکاری برای تامین امنیت در مرز تاجیکستان و افغانستان ادامه دهند.

به گزارش «تاس»، در این بیانیه آمده است: طرفین در مورد وضعیت پیرامون افغانستان، قبل از هر چیز با توجه به تشدید فعالیت اخیر گروه های تروریستی در افغانستان، تبادل نظر کردند.

مجدداً تاکید شد که آژانس‌های مربوطه روسیه و تاجیکستان به همکاری خود برای تامین امنیت مرز تاجیکستان و افغانستان ادامه خواهند داد.

خبرگزاری «باختر» نیز نوشت که در این تماس دو طرف «در مورد تحولات نگران کننده اوضاع در افغانستان و همچنین وضعیت مرز تاجیکستان و افغانستان گفت‌وگو کردند».

براساس این گزارش، سران روسیه و تاجیکستان در ادامه نیز بر اهمیت تقویت بیشتر همکاری‌های امنیتی دو کشور تاکید کردند.

انتهای پیام.