سفیر آمریکا در تاجیکستان اعلام کرد که واشنگتن بالگردهای دولت سابق افغانستان که به تاجیکستان منتقل شده را به طالبان تحویل نخواهد داد.

به گزارش تلویزیون سحر افغانستان،  «جان مارک پومرشیم» سفیر آمریکا در تاجیکستان اظهار داشت که واشنگتن و دوشنبه درباره سرنوشت بالگردها و هواپیماهایی که توسط خلبانان افغان در حال فرار از افغانستان به تاجیکستان انتقال یافتند، گفت‌وگو کرده‌اند.

سفیر آمریکا در یک نشست خبری تصریح کرد: این بالگردها و هواپیماها به طالبان تحویل داده نخواهد شد، چرا که این‌ها به طالبان تعلق ندارد.

به گزارش «آسیا پلاس تاجیکستان»، این دیپلمات آمریکایی از ارائه جزئیات بیشتر درباره مذاکرات با تاجیکستان در این باره خودداری کرد.

«ذبیح الله مجاهد» سخنگوی طالبان اوایل هفته جاری در واکنش به اقدام آمریکا مبنی بر تحویل بالگردهای خریداری شده برای دولت سابق افغانستان به اوکراین گفته بود که گفت‌وگوها برای بازگرداندن بالگردها به افغانستان با آمریکا جریان دارد.

وی گفته بود، کسانی که بالگردهای افغانستان را به خارج انتقال دادند، خائن ملی هستند، اینکه سرنوشت این بالگردها چه می‌شود با آمریکایی‌ها در این باره درحال گفت‌وگو هستیم.

سخنگوی طالبان اظهار داشت که با کشور‌های همسایه ‌که بالگردهای افغانستان در آنجا هستند، گفتگو شده و در تلاش هستیم که بالگردها به زودی بازگردانده شوند.

انتهای پیام.