«مهرالدین»: طالبان به خواست‌ها برای تشکیل دولت فراگیر توجهی نکرده است
وزیر خارجه تاجیکستان با اشاره به شرایط افغانستان اظهارداشت که طالبان به خواسته کشورهای منطقه و جهان برای تشکیل یک دولت فراگر در افغانستان تن نداده اند.
به گزارش تلویزیون سحر افغانستان، «سراج‌الدین مهرالدین» وزیر خارجه تاجیکستان طی سخنانی در سازمان ملل گفت که افغانستان به سرعت در حال تبدیل شدن به مکان امن تروریستان است.
وی افزود: تاجیکستان شاهد فعالیت برنامه ریزی شده برای انتقال گروه‌های شبه‌نظامی متشکل از اتباع سابق آسیای مرکزی به شمال افغانستان به منظور ایجاد کانون جدید تنش است.
مهرالدین همچنین گفته است که طالبان به خواست‌های داخلی، منطقه‌ای و جهانی برای تشکیل یک دولت فراگیر در افغانستان، تن نداده‌اند.
وزیر خارجه تاجیکستان تاکید کرد: کشورش نمی‌تواند نسبت به سرنوشت افغانستان با جمعیت ۴۰ میلیون نفری در همسایگی خود بی‌تفاوت بماند.
بیشتر بخوانید:
احتمال میزبانی تاجیکستان از مذاکرات «احمد مسعود» و طالبان
طالبان: درگیری مرزی تاجیکستان و قرقیزستان بر ثبات منطقه تاثیر منفی دارد
تگ
