SAHAR

این سازمان اعلام کرده است که برای مهار افزایش ناامنی و درگیری‌های مسلحانه در امتداد مرز تاجیکستان با افغانستان، نیروهای سرحدی تاجیکستان را به تجهیزات و سلاح‌های پیشرفته مجهز می‌سازد.

این اقدام پس از رویداد ۲۹ جنوری در ولایت ختلان گرفته شد؛ جایی که سه فرد مسلح در درگیری با نیروهای امنیتی تاجیک کشته شدند و دیگران به سوی خاک افغانستان عقب‌نشینی کردند.

مقام‌ های تاجیک می‌گویند ناامنی مرزی در ماه‌های اخیر افزایش یافته و نگرانی‌ها از نفوذ جنگجویان و قاچاقچیان از افغانستان جدی‌تر شده است. این وضعیت، بار دیگر پرسش‌ها درباره توان و مسئولیت اداره طالبان در مهار گروه‌های مسلح و شبکه‌های قاچاق را برجسته می‌سازد؛ پیامدهایی که کشورهای همسایه نیز از آن متأثر می‌شوند. به نقل از خبرگزاری اینترفکس، روند نهایی‌سازی فهرست تجهیزات همچنان ادامه دارد.