سره شويو کچالوو د یوه تنکي ځوان لید او اوریدل واخیستل
یوه ۱۷ کلن تنکی بریټانیایې ځوان،د زیاتو سره شویو کچالو خوړلو له کبله دخپلو سترګو لید او د غوږو اوریدل له لاسه ورکړي دي.
په بریټانیا کې روغتیاپالان وایې دا تنکی ځوان د سمو خوراکي رژیم په پام کې نه نیولو او د چپس او ګاز لروونکو څښاکو او سپینې ډوډۍ په خوړلو سره، د بی ۱۲ ویټامین او ماکروسیتیک د وینې په کمښت اخته شوی دی.دې بريټانیایې ځوان لومړی ځل په ۱۴ کلنۍ کې روغتیاپال ته ورغلی وو او له ستړيتوب څخه یې شکایت کړی وو.
روغتیاپالانو له ډيریو څیړنو سره،د ویټامین D،ب ۱۲،مس او سلنیوم کمښت په هغه کې تشخیص کړل.
دا ډول ویټامینونه او معدني توکي،د بدن د عمومي سلامتۍ لپاره اړین دي او کمیدل یې هم ډيری د هغو هیوادونو اوسیدوونکو ته تړاوو ورکول کیږي چې له بی وزلۍ او د خوراکي سرچینو له کمښت سره مخامخ دي.
د خوراکي کارپوهانو د راپور پر بنسټ،هر کال ۱۱ میلیونه کسان د سمو خوراکي رژیم نه درلودو له کبله خپل ژوند له لاسه ورکوي.
