د جرمني فوټبالر رابرټ بویر له خپلې کورنۍ سره اسلام قبول کړ
سنبله 25, 1402 17:07 Asia/Kabul
د سعودي عربستان د التای فوټبال کلب مدافع رابرت باویر د اسلام منلو اعلان کړی دی.
د عکسونو او ویډیو شریکولو اپلیکیشن انسټاګرام کې د سعودي کلب مدافع رابرټ باؤر یو عکس شریک کړی چې پکې لمونځ کوي او د مینه والو لپاره دعا کوي.
نوموړي په خپل پيغام کې د دغه مبارک بدلون يادونه کړې او ليکلي يې دي، چې زه له خپلې مېرمنې او کورنۍ سره د اسلام په دايره کې داخل شوی يم، له تاسو ټولو مننه کوم، چې زما ملاتړ کوئ او مرسته راسره کوئ.
د جرمني فوټبالر رابرټ بویر د سعودي مسلکي لیګ کې د التای FC استازیتوب کوي، هغه د یو کلن قرارداد لاسلیک کولو وروسته د خبرونو سرټکی و.
د یادولو وړ ده چې د روان کال په پیل کې د WWE د مشهور ریسلر اوماګا زوی زیلا فاتو هم اسلام قبول کړی و.
