د بدن د پړسوب د کمولو لارې چارې
وروسته له دې چې د پړسوب نښو څخه خبر شئ، او مخکې له دې چې د ځان پاملرنې ګڼو تخنیکونود ترسره کولو هڅه وکړئ، خپل ډاکټر سره خبرې وکړئ چې څه وکړئ.
- خپلو غړو او اعضاوو ته حرکت ورکړئ!
ځکه دا کېدای شي اضافي مایع بیرته زړه ته په پمپ کولو کې مرسته وکړي.
- د ښکیلې ساحې ساتنه
پړسېدلی ځای یا غړی لوند یا مرطوب وساتئ!
- د پړسېدلي غړي زور کول په فشار سره
که ستاسو د ټیټو غړو څخه یو یې د پړسوب له امله اغیزمن شوی وي، ستاسو ډاکټر ممکن د ځانګړو جرابو د کارولو وړاندیز درته وکړي ترڅو د التهاب مخه ونیسي.
- د زړه له سطحې پورته کول
په ورځ کې څو ځله د خپل بدن اغېزمنه شوې برخه د زړه له سطحې څخه پورته وساتئ. په ځینو مواردو کې، د خوب په وخت کې د بدن اغیزمنه برخه پورته کول هم کېدای شي ګټوره وي.
- بنداژ وکاروئ!
په یو بنداژ یا بانډ سره د زړه په لور د اغېزمنې ساحې ورتړل، خو داسې نه چې ځان پرې ودردوئ. بنداژ ممکن د ساحې څخه د اضافي مایع په ایستلو کې مرسته وکړي.
- د مالګې لږ کارول
د مالګې د لږې کارولو په اړه له خپل ډاکټر مشورې وکړئ. مالګه کولی شي د مایع ساتل ډېر کړي او د پړسوب درد او رنځ مو لاپسې خراب کړي. په سږو او پښو کې پړسوب کېدای شي د ژوند له پاره ګواښونکي وي. په سږو کې اذیما د سږو امبولیزم، د زړه د ناروغۍ او ستونزو، یا د پښتورګو ناروغۍ د ژوند له پاره ګواښوونکي کېدی شي. په هرصورت، په پښو کې د رګونونه بریا او کمېدو له امله رامینځته شوی پړسوب معمولا جدي نه وي مګر کولی شي د درد، وینې بهېدو، د پوستکي د ناروغیو او نورو لامل شي.
